سونے کے ذخائر میں دو ارب ڈالر سے زیادہ کی گراوٹ سے ملک کے زرمبادلہ کے ذخائر 14 اگست کو ختم ہوئے ہفتہ میں 2.94ارب ڈالر کم ہوکر 535.25ارب ڈالر رہ گئے۔
مسلسل سات ہفتوں تک اضافہ کے بعد زرمبادلہ کے ذخائر میں کمی آئی ہے۔ اس سے پہلے 7 اگست کو ختم ہوئے ہفتہ میں یہ 538.19ارب ڈالر کے ریکارڈ سطح پر رہا تھا۔
ریزرو بینک کی طرف سے جاری اعدادو شمار کے مطابق 14اگست کو ہفتہ کے دوران سونے کے ذخائر 2.19ارب ڈالر کم ہوکر 37.60ارب ڈالر رہ گئے۔بین الاقوامی مارکٹ میں پیلی دھات کی قیمت میں بڑی گراوٹ کی وجہ سے ملک کے سونے کے ذخائر کی قیمت میں یہ کمی آئی ہے۔
زیر جائزہ ہفتہ میں غیرملکی کرنسی کے اثاثے 74.3کروڑ ڈالر کم ہوکر 491.55 ڈالر پر آگئے۔ بین الاقوامی مالیاتی فنڈ کے پاس ریزروفنڈ چالیس لاکھ ڈاکر کی کمی کے ساتھ 4.63ارب ڈالر اور اسپیشل ڈرائنگ رائٹس 20لاکھ ڈالر کم ہوکر 1.48ار ب ڈالر پر رہے۔
