قومی دارالحکومت دہلی کانگریس کی جنرل سکریٹری پرینکا گاندھی نے مودی حکومت پر سخت نکتہ چینی کرتے ہوئے کہا کہ جموں و کشمیر سے دفعہ 370 کو ہٹائے جانے کے فیصلے سے پیدا ہونے والی صورتحال کا سب سے خراب اثر بچوں پر پڑا ہے جن کا دو مہینے سے اسکول جانا بند ہے۔
پرینکا نے ٹوئٹ پیغام میں کہا کہ 'جموں و کشمیر میں دو ماہ سے زائد کی بندش کا سب سے زیادہ اثر وہاں کے معصوم بچوں پر پڑا ہے، کیا آپ نے کبھی ایسی حکومت دیکھی ہے جو ترقی کی بات کررہی ہو لیکن بچوں کو اسکول سے دور کردے، بی جے پی حکومت نے کشمیر کی آنے والی نسل کو کیا پیغام دیا ہے'؟
انہوں نے مزید ایک تصویر بھی پوسٹ کی ہے جس میں ایک معصوم گھر کی کھڑکی سے باہر جھانک رہا ہے، اس کے ساتھ ہی ایک خبر بھی پوسٹ کی ہے جس میں لکھا ہے کہ کشمیر میں بچے اسکلز سے دور اور دوستوں سے الگ تھلگ ہوگئے ہیں۔
