لمبے قد اور بڑے کان والے بکرے اور ترکی دنبے عوام کی توجہ کا مرکز بنے ہوئے ہیں، اجمیر شریف بکرا منڈی میں قربانی کے جانوروں کے خریدار یوپی، مدھیہ پردیش، گجرات سے اجمیر آرہے ہیں، فی الحال ملک کے کئی علاقوں میں بارش کی وجہ سے تاجروں کو معقول دام ملنا بھی مشکل ہو رہا ہے۔
یوپی سے بھی جانوروں کے تاجروں نے اجمیر میں ہی قیام کیا ہوا ہے حالانکہ تاجر تو منڈی کو ہلکا بتا رہے ہیں مگر خریدار خود منڈی پہنچ کر جانوروں کے آسمان چھوتے دام سن کر مایوس ہو رہے ہیں۔ تاجروں کا ماننا ہے کہ ان کے جانور خوبصورت ہیں، اس لیے دام بھی اسی کے مطابق ہے۔
قربانی کے لیے صحت مند اور خوبصورت جانور خریدنا اب کچھ مہنگا نظر آتا ہے۔ منڈی میں جانوروں کے دام، دس ہزار سے شروع ہوکر ایک لاکھ پچاس ہزار تک پہنچ گئے ہیں۔ خاص بات یہ ہیکہ خریدار رقم نہیں بلکہ جانوروں کی نسل اور خوبصورتی پر زیادہ توجہ دے رہے ہیں اور بغیر کسی عیب کا جانور احتیاطاً سمجھداری سے خرید رہے ہیں۔
