ہفتہ کے روز سے ریاست میں اپنی حکومت کو بچانے کی کوشش میں مصروف ہے،کیونکہ کانگریس پارٹی نے گورنر کو خط لکھ کر ایک بار پھر سے حکومت سازی کا دعویٰ پیش کیا ہے۔
غورطلب ہے کہ ہفتہ کے روز اراکین اسمبلی کی میٹنگ میں بی جے پی اراکین اسمبلی نے پارٹی کے رہنماؤں سے کہا کہ وزیر اعلی اراکین اسمبلی میں سے ہونا چاہیئے۔
امید ہے کہ بی جے پی گوا میں اپنے مشیر بھیجے گی جو اراکین اسمبلی کے ساتھ بات چیت کر کے وزیر اعلیٰ کے امیدوار کا نام فائنل کر سکے۔ وہ اتحادی پارٹیوں کے ساتھ بھی میتنگ کریں گے۔
واضح رہے کہ بی جے پی گوا میں مہاراشٹروادی گومنتک پارٹی،گوا فارورڈ پارٹی اور تین آزاد اراکین اسمبلی کے ساتھ اتحاد میں ہے۔
کابینہ وزیر وجئے سردیسائی کی قیادت میں اراکین اسمبلی نے کہا کہ وزیر اعلی کی حالت بے شک خراب ہوتی جا رہی ہے، اس کے باوجود سبھی اراکین اسمبلی تب پریکر کے ساتھ رہیں گے جب تک کہ وہ وزیر اعلی رہیں گے۔
سردیسائی نے مزید کہا کہ کچھ بھی نیا بنانے کا سوال نہیں ہے،لیکن اگر بی جے پی کچھ کرنا چاہتی ہے تو ہم اس کے ساتھ ہیں۔
غورطلب ہے کہ کانگریس نےگورنر مردلا سنگھ کو خط لکھ کر گوا میں حکومت سازی کا دعوی پیش کیاتھا۔پارٹی کا کہنا ہے کہ فرانسس ڈسوجا کے انتقال کے بعد اسمبلی میں بی جے پی کے 13 رکن اسمبلی ہیں۔
منوہر پریکر کی قیادت والی حکومت لوگوں کا اعتماد کھو چکی ہے۔ ہم چاہتے ہیں کہ موجودہ حکومت کو برخاست کیا جائے اور سب سے بڑی پارٹی کا حکومت سازی کا موقع دیا جائے۔
