اسکول کے طلباء کے درمیان بیداری پیدا کرنے کے لیے نکڑ ناٹک پیش کیا گیا جس میں انہیں اپنے حقوق سے روشناس کرانے کی کوشش کی گئی۔
لڑکیوں کے درمیان بیداری پیدا کرنے کے لیے پرانی دہلی کے پرتیبھا ودیالیہ اسکول مفتی والان میں الانصار ویلفیئر ٹرسٹ کی جانب سے یہ نکڑ ناٹک پیش کیا گیا۔
اس نکڑناٹک میں بنیادی حقوق، تعلیم حاصل کرنے کا حق، پوسکو ایکٹ، بچہ مزدوری، جیسی متعدد امور کو ناٹک کے ذریعے سمجھانے کی کوشش کی گئی تاکہ لڑکیوں میں بیداری پیدا کی جا سکے۔ اور جب ان کے حقوق کو پامال کیا جائے تو وہ اس کے خلاف آواز بلند کر سکیں۔
مزی دپڑھیں : جامعہ ملیہ اسلامیہ 29 اکتوبر سے 99 واں یوم تاسیس منائے گا
یہ نکڑ ناٹک ڈی سی پی سی آر کے تعاون سے دہلی کے مختلف اسکولوں میں منعقد کیا جا رہا ہے جس طلبا و طالبات کی کثیر تعداد شرکت کر رہی ہے۔
اس پروگرام میں الانصار ویلفیئر ٹرسٹ کی سیکریٹری اسماء عرشی کے علاوہ ڈیاسٹر سیل کے کو آرڈینیٹر ہریش اور ڈی سی پی سی آر کی رکن سمراہ مرزا بھی موجود تھے۔
