وزیر اعلیٰ نتیش کمار کی موجودگی میں آج یہاں پٹنہ میٹروریل منصوبے کے ڈپوزٹ ٹرم پر عمل درآمد کا اقرارنامہ پی ایم آرسی ایل اور ڈی ایم آرسی کے درمیان ہوا۔
اس موقع پر نائب وزیراعلیٰ سُشیل کمار مودی، رہائش اورشہری ترقیات کے وزیر سریش کمار شرما، سابق سکریٹری دیپک کمار، ترقیاتی کمشنر ارون کمار سنگھ، ڈی ایم آر سی کے مینیجنگ ڈائریکٹر منگو سنگھ، پٹنہ میٹرو ریل کارپوریشن لمیٹیڈ کے صدر نائب مینیجنگ ڈائریکٹر چیتنیہ پرساد سمیت کئی اعلیٰ افسران موجود تھے۔
حکومت بہار کی جانب سے پرنسپل سکریٹری محکمہ شہری ترقیات و رہائش چیتن پرساد اور اور دہلی میٹرو ریل کے منیجنگ ڈائریکٹر منگو سنگھ کے درمیان اس اس اقرار نامے کا تبادلہ ہوا اس اقرار نامے کے بعد پٹنہ میٹرو کے دونوں کاریڈور کے تعمیر کی کاروائی ڈی ایم آر سی شروع کر دے گا۔
اس پروجیکٹ کے تحت 31.39 کیلومیٹر میٹروریل کا منصوبہ ہے جس میں مشرقی و مغربی کاریڈور 16.94 کیلومیٹر اور شمال و جنوب کوریڈور 14.45 کیلو میٹر ہے مشرق مغرب کاریڈور میں تین ایلیویٹڈ اسٹیشن 8 زیرزمین اسٹیشن 1 ایٹ گریڈ اسٹیشن شامل ہے ۔
جبکہ شمال جنوب کاریڈور میں 9 ایلیویٹڈ سٹیشن تین زیرزمین اسٹیشن شامل ہیں اس پروجیکٹ کا کام مختلف مرحلوں میں کیا جائے گا جس کے آخری مرحلے کا کام ستمبر 2024 میں پورا کر لیا جائے گا۔
دہلی میٹرو ریل کارپوریشن کے ذریعہ پٹنہ میں پروجیکٹ ڈائریکٹر کی نگرانی میں ایک پروجیکٹ دفتر قائم کیا جائے گا تاکہ کام متعینہ مدت میں پورا کیا جا سکے۔
