بامبے ہائی کورٹ کی ناگپور بینچ نے گینگسٹر ارون گاولی کو جمعرات کے روز پیرول پر رہا کرنے کی ہدایت دی۔
جج ایس بی شکرے اور ایم جے جمادار پر مشتمل بینچ نے بیوی کی بیماری کی بنیاد پر گاولی کو پیرول پر رہا کرنے کی ہدایت دی۔ گاولی کی درخواست کو ڈویزنل کمشنر نے پولیس کی منفی رپورٹ کی بنیاد پر خارج کردیا تھا۔ پولیس نے اپنی رپورٹ میں کہا کہ گاولی ایک گروہ کا لیڈر ہے اور اس کی رہائی سے امن و قانون کا مسئلہ پیدا ہوسکتا ہے۔
گاولی کے پیرول کے سابقہ ریکارڈ کو پیش نظر رکھتے ہوئے اسے پیرول پر رہا کردیا۔ شیوسینا کے رہنما کملاکر جامسانڈیکر کے قتل کے معاملہ میں تین اگست 2012 میں گاولی اور دیگر کو عدالت نے قصوروار ٹھہراتے ہوئے عمر قید کی سزا سنائی تھی۔
