انٹر نیشنل کرکٹ کونسل نے 'آئی سی سی ویمن کرکٹ ورلڈ کپ' کے شیڈول کا اعلان کردیا ہے، کونسل کی جانب سے منگل کو جاری شیڈول کے مطابق اس ٹورنامنٹ میں کل 31 میچز کھیلے جائیں گے اور اس ٹورنامنٹ کا مقابلہ چار مارچ تا تین اپریل کے درمیان کھیلا جائے گا۔ ٹورنامنٹ کا پہلا مقابلہ 4 مارچ 2022 کو ویلنگٹن کے بیسن ریزرو میں کھیلا جائے گا۔
اس ٹورنامنٹ کا فائنل مقابلہ 3 اپریل 2022 کو نیوزی لینڈ کے کرائسٹ چرچ کے ہیگلی اوول گراؤنڈ پر کھیلا جائے گا۔
اس ٹورنامنٹ میں خواتین کی کل آٹھ ٹیمیں حصہ لیں گی، کورونا وائرس کے بعد خواتین کا یہ پہلا کرکٹ ایونٹ ہے، اس سے قبل مارچ 2020 میں آسٹریلیا میں ویمنز ٹی 20 ورلڈ کپ کا انعقاد کیا گیا تھا، سیمی فائنل 30 اور 31 مارچ کو ہونا ہے جبکہ فائنل 3 اپریل یعنی اتوار کو کھیلا جائے گا۔
