عام آدمی پارٹی کو 62 نشستیں ملی ہیں، جن میں چار خواتین بھی شامل ہیں۔
ان کے نام آتشی (کالکا جی )، پرمیلا ٹوکاس (آر کے پورم)، پریتی تومر (تری نگر) اور راج کماری ڈھلن (ہری نگر) ہیں۔
آتشی نے کانگریس کی شیوانی چوپڑا اور بی جے پی کے دھرم بیر سنگھ کو شکست دے کر 11 ہزار سے زائد ووٹوں سے کالکا جی حلقہ سے کامیابی حاصل کی ہے جبکہ عام آدمی پارٹی کی رہنما پرمیلا توکاس، اپنی آر کے پورم اسمبلی سیٹ برقرار رکھی۔
عام آدمی پارٹی، بی جے پی اور کانگریس نے مجموعی طور پر 24 خواتین امیدواروں کو ٹکٹ دیا تھا جن میں سے چار خواتین نے کامیابی حاصل کی۔
انتخابات جیتنے والی تمام خواتین عام آدمی پارٹی سے تعلق رکھتی ہیں۔
تری نگر اسمبلی حلقے سے پریتی تومر نے کامیابی حاصل کی۔ اس سیٹ پر اس سے قبل ان کے شوہر جتیندر تومر نے سنہ 2015 میں کامیابی حاصل کی تھی۔ ان پر متعدد الزامات عائد ہونے کے بعد ان کی جگہ پر عام آدمی پارٹی نے ان کی اہلیہ پریتی تومر کو انتخابات میں اتارا اور انہوں نے شاندار کامیابی حاصل کی۔
