پارٹی میں شمولیت کے وقت اتر پردیش کانگریس کے صدر راج ببر اور مغربی اتر پردیش کانگریس کے انچارج جیوتی رادتیہ سیندھیا بھی موجود تھے۔
بال کنور پٹیل کرمی طبقہ کے ایک بڑے رہنما تسلیم کئے جاتے ہیں۔پٹیل نے 2009 عام انتخابات میں سماج وادی پارٹی سے مرزا پور لوک سبھا سیٹ پر جیت درج کی تھی۔
لیکن 2014 کے عام انتخابات میں سماجوادی پارٹی نے پٹیل کو مرزا پور کے بجائے سہارنپور سے امیدوار بنایا تھا لیکن ان کو بی جے پی کے امیدوار سے شکست کا سامنا کرنا پڑا تھا۔
اس بار بال کنور پٹیل کا مقابلہ سماجوادی پارٹی کے امیدوار شیام چرن گپتا سے ہوگا۔ گپتا نے 2014 میں بی جے پی کے ٹکٹ پرپریاگ راج سے جیت حاصل کی تھی۔اس بار شیام چرن گپتا سائیکل کی سواری کر رہے ہیں۔
