اُتر پردیش کے ضلع جونپور کے سابق رکن پارلیمان دھننجے سنگھ کے خلاف کمپنی کے منیجر کو دھمکی دینے اور رنگداری مانگنے کے معاملے میں اے ڈی جے نے سماعت کرتے ہوئے ان کی ضمانت عرضی خارج کردی۔
ویڈیو
شہر میں سیور ٹریٹمنٹ پلانٹ بنا رہی کمپنی کے پروجیکٹ منیجر ابھینو سنگھل کی تحریر پر 10 مئی کو لائن بازار تھانے میں دھننجے سنگھ اور اُن کے ساتھی وکرم سنگھ پر رنگداری، دھمکی دینے کا کیس درج کیا گیا تھا۔
اس کے بعد انہیں اور وکرم سنگھ کو 14دن کی حراستی تحویل میں بھیج دیا گیا تھا۔ فی الحال وہ جونپور جیل میں بند ہیں۔
انہوں نے کہا کہ 'مجھ پر لگائے گئے الزامات بے بنیاد ہیں۔ مجھے جان بوجھ کر پھنسایا گیا ہے۔ اس کے پیچھے کئی بڑی ہستیوں کا ہاتھ ہے'۔
