آندھراپردیش کے سابق وزیر اچن نائیڈو کی ضمانت منظور ہوگئی ہے۔ آندھراپردیش ہائی کورٹ نے اچن نائیڈو کو دو لاکھ روپئے ضمانت کی رقم جمع کروانے اور ملک چھوڑ کر نہ جانے کی ہدایت دی۔
ٹی ڈی پی کے رکن اسمبلی کو ای ایس آئی میں گھوٹالہ کرنے کے الزام میں اے پی پولیس نے گرفتار کیا تھا۔ اچن کی گرفتاری متنازعہ تھی کیونکہ وہ پہلے ہی سے بیمار بتائے گئے۔گرفتاری کے بعد گنٹور کےایک ہسپتال میں ان کا آپریشن کیا گیا۔ سرجری کے کچھ دن بعد انھیں کورونا انفکشن ہوگیا۔
آندھراپردیش حکومت نے مذکورہ رہنما کا عدالتی احکامات کے بعد نجی اسپتال میں علاج کروایا۔
تلگو دیشم رہنما نارا لوکیش نے اچن نائڈو کی گرفتاری پر وائی ایس آر حکومت پر نکتہ چینی کی۔ اور اچن کے کورونا مثبت ہونے کی وجہ حکومت کا رویہ قرار دیا۔
یہ بھی پڑھیں:پونے اور حیدرآباد میں ماروتی سوزو کی خریداری شروع
