بھارت کے پہلے جیوتھرمل فیلڈ ڈویلپمنٹ پروجیکٹ کے قیام کے لئے ایک تاریخی سہ فریقی معاہدہ کیا گیا ہے۔
لداخ کے لیفٹیننٹ گورنر آر کے ماتھر نے اسے کاربن سے آزاد لداخ کے مقصد کے حصول کی طرف ایک قدم قرار دیا۔
ایک سرکاری ترجمان نے بتایا کہ اس معاہدے پر لیفٹیننٹ گورنر اور مقامی رکن پارلیمنٹ جامیانگ شیرنگ نامگیال کی موجودگی میں لداخ کی یونین ٹیرٹری ایڈمنسٹریشن، لداخ خود مختار ہل ڈویلپمنٹ کونسل لیہ اور او این جی سی انرجی سنٹر نے دستخط کیے۔
اس منصوبے کے پہلے مرحلے میں ایک میگا واٹ بجلی پیدا کرنے کی گنجائش پیدا کی جائے گی اور عام عوام کو 100 فیصد مفت بجلی فراہم کی جائے گی۔
