کولکاتہ کے امہر اسٹریٹ تھانے میں بی جے پی کے صدر امت شاہ کے خلاف مقدمہ درج کیا گیا ہے۔
اطلاعات کے مطابق یہ مقدمہ ودیا ساگر کالج کے طلبا کی جانب سے درج کرایا گیا ہے۔
گزشتہ روز کولکاتہ میں امت شاہ کے روڈ شو کے دوران تشدد بھڑک اٹھا تھا۔ ترنمول کانگریس کی قیادت والی طلبہ تنظیم اور بی جے پی کے کارکنان کے درمیان پتھر بازی، آگ زنی، یہاں تک کہ ودیا ساگر کالج میں مشہور سماجی مصلح ایشور چندر ودیا ساگر کے مجسمے کو بھی توڑ دیا گیا۔
اس حادثے میں تاحال 35 افراد کو گرفتار کیا جا چکا ہے۔ بی جے پی نے الیکشن کمیشن سے ممتابنرجی کی انتخابی ریلی پر پابندی کا مطالبہ کیا ہے۔
اس حوالے سے آج الیکشن کمیشن ساڑھے 11 بجے انتخابی تجزیہ کاروں کے ساتھ پریس کانفرنس کریں گے۔
