منافع خوری کا بازار گرم، انتظامیہ سخت، ایف آئی آر اور جرمانہ

کرونا وائرس نے ہر طرف دہشت پھیلا رکھی ہے ۔خوف و ہراس طاری ہے،اس قومی آفت کو بھی منافع خوروں ،ذخیرہ اندوزوں نے فائدہ کا دھندہ بنا لیا اور مقرر قیمتوں سے زیادہ قیمت پر سامان فروخت کرکے ناجائز پیسہ کمانے میں مصروف ہیں۔

انتظامیہ ایسے لوگوں کے خلاف سخت ہے۔گوتم بدھ نگر اتر پردیش کے ضلع مجسٹریٹ بی این سنگھ کی ہدایت پر منافع خوروں کے خلاف کارروائی شروع کردی گئی ہے۔

متعلقہ تصویر

ضلع ڈرگ انسپکٹر اکھلیش کمار جین نے سینیٹایزیشن اور دیگر سامانوں پر زیادہ پرنٹ ریٹ پر فروخت کرنے والی چار فرمز پر مقدمہ درج کیا ہے۔

متعلقہ تصویر

متعلقہ تصویر

بی این سنگھ نے سخت تاکید کی ہے کہ کووِڈ 19 وبا کے دوران ، اگر کسی تاجر اور دکاندار کے ذریعہ اوور ریٹنگ ،بلیک مارکیٹنگ میں منافع خوری کا کام کیا جارہا ہو تو ضلع انتظامیہ ان کے خلاف سخت کارروائی کرے گی۔

وہیں دوسری جانب ضلع کی مختلف ٹیموں نے 85 دکانوں کا معائنہ کیا ۔جہاں دکاندار زیادہ قیمت پر سامان فروخت کرتے ہوئے پائے گئے۔ایسی دو دوکانوں پر 25000 اور 5000 جرمانہ عائد کیا گیا اور باقی کو انتباہ کے ساتھ سخت پیغام دے کر چھوڑ دیا گیا۔