ورلڈ ہیلتھ آرگنائزیشن نے کہا ہے کہ کورونا وائرس نہایت ہی خطرناک وبا ہے۔ اس سے متاثر ہونے والے افراد 20 فیصد شدید بیماری میں مبتلا ہوسکتے ہیں۔ ان میں نمونیا اور سانس لینے میں تکلیف محسوس کرنے والے بھی شامل ہیں۔
ورلڈ ہیلتھ آرگنائزیشن نے بتایا ہے کہ جن لوگوں میں کورونا کی ہلکی سی بھی علامات ہیں یا انہیں کورونا ٹسٹ میں منفی آنے کے بعد بھی نزلہ، زکام اور کھانسی ہے تو ایسے افراد دوسروں میں بھی اس وائرس کو پھیلا سکتے ہیں۔
امریکہ کے فوڈ اینڈ ڈرگ ایڈمنسٹریشن کمشنر نے صدر ڈونلڈ ٹرمپ کے اس دعوے کو مسترد کردیا ہے کہ 99 فیصد کورونا وائرس 'بے ضرر' ہے۔
ڈاکٹر اسٹیفن ہان نے میڈیا کو بتایا کہ 'وہ اس بارے میں نہیں جائیں گے کہ کون صحیح ہے اور کون غلط، لیکن سرکاری اعداد وشمار سے ظاہر ہوتا ہے کہ یہ ایک سنگین مسئلہ ہے'۔
مزید پڑھیں: کورونا کے خوف نے ایک شخص کی جان لے لی
انہوں نے مزید کہا کہ 'کورونا کا کوئی بھی معاملہ افسوسناک ہے۔ کورونا کے بڑھتے ہوئے کیسیز کی لہر کو روکنے کے لئے لوگوں کو جسمانی دوری پر عمل کرنے اور ماسک پہننے کے لئے حکومتی رہنمائی پر عمل کرنا چاہئے'۔
