سڑک کی تعمیر میں لاپرواہی، ایگزیکیوٹیو انجینیئر معطل

مدھیہ پردیش کے ضلع شیوپوری کے پوہری سب ڈویژن کے تحت چھرچ میں سات کروڑ روپے کی لاگت سے بنے پل کا افتتاح ہونے کے تقریباً تین ماہ بعد ہی اس کے تباہ ہونے پر محکمہ تعمیرات عامہ کے ایگزیکیوٹیو انجینیئر ایم ایس جادون کو معطل کردیا گیا ہے۔

سرکاری ذرائع کے مطابق پوہری علاقے میں کونو ندی پر بنایاگیا یہ اہم پل 8ستمبر 2018کی رات ندی کے بہاؤ میں بہہ گیا تھا۔یہ پل بہنے کے تقریباً تین ماہ پہلے ہی بننا شروع ہوا تھا۔

اس معاملے کی جانچ کے بعد ایگزیکٹو انجنیئر جادون کو کل معطل کردیاگیا ہے۔مسٹر جادون کا چارج شیوپوری میں تعینات محکمے کے ایگزیکٹو انجنیئراومہری شرما کو سونپا گیا ہے۔