ریٹائرڈ کرنل ٹی پی تیاگی سے خصوصی گفتگو

بھارت اور چین کے مابین سرحد پر جاری کشیدگی ایک بار پھر سے سنگین صورتحال اختیار کر گئی ہے جس میں بھارتی فوج کے ایک افسر اور دو جوانوں کی ہلاکت ہوئی ہے۔

دونوں ممالک کے مابین تقریباً 45 برسوں کے بعد تصادم ہوا جس میں تین فوجیوں کی موت ہوئی ہے، اس معاملے میں ای ٹی وی بھارت نے ریٹائرد کرنل تجیندر پال تیاگی سے بات کی۔

ریٹائرڈ کرنل ٹی پی تیاگی نے ای ٹی وی بھارت سے بات کرتے ہوئے کہا کہ 'گزشتہ شب بھارت اور چینی افواج کے مابین لداخ کی گلوان وادی میں ہوئی جھڑپ افسوسناک ہے۔

ٹی پی تیاگی نے کہا کہ 'چینی فوج کے سپاہی، سپاہی نہیں بلکہ ایک مخصوص سیاسی پارٹی کی سینا ہے اور اس سینا میں قربانی کا جذبہ نہیں ہے جبکہ بھارتی فوج کے ہر سپاہی میں قربانی کا جذبہ پایا جاتا ہے۔

انہوں نے کہا کہ 'اگر ہم جارحانہ رخ برقرار رکھیں تو چینی فوج کو شکست دینا بہت آسان ہوگا، تاہم بھارت کی جانب سے ابھی تک جارحیت اختیار نہیں کی گئی ہے اگر جارحانہ رخ اپنایا جائے تو صورتحال بہتر ہوسکتی ہے۔