ای ایس آئی ہسپتالوں کے لئے دوا کی خریداری میں بدعنوانی کے سلسلہ میں گرفتار آندھراپردیش کے سابق وزیر اور وٹکالی کے رکن اسمبلی اچن نائیڈوکو نجی ہسپتال میں علاج کی سہولت فراہم کرنے کی اے پی ہائی کورٹ نے اجازت دے دی ہے۔
نائیڈو نے انھیں نجی ہسپتال میں علاج کی سہولت فراہم کرنے کی حکومت کو ہدایت دینے کی خواہش کرتے ہوئے ایک عرضی عدالت میں داخل کی تھی جس کی سماعت عدالت نے کی، عدالت نے وجئے واڑہ یا گنٹور میں نجی اسپتال میں علاج کے لئے انھیں منتقل کرنے کی عرضی کی سماعت آج کرتے ہوئے بنچ نے گنٹور کے ایک ہسپتال میں علاج کی سہولت فراہم کرنے کی اجازت دے دی۔
بدعنوانی کے معاملے میں گزشتہ ماہ کی 12تاریخ کو اے سی بی نے اچن نائیڈو کو گرفتار کیا تھا۔تب سے وہ اے سی بی کی تحویل میں ہیں۔
یہ بھی پڑھیں: پولیس کو کورونا سے محفوظ رکھنے کے لیے مسلم نوجوانوں کا اقدام
