کووڈ-19 مریض جو گھر کی تنہائی میں تھا، شدید بیمار ہوگیا۔ کنبہ سے تعلق رکھنے والے افراد نے ایمبولینس طلب کی، لیکن ایمبولینس نہیں پہنچی۔ بعد میں حکام نے ای ٹی وی میں دکھائی گئی اس اسٹوری کو دیکھ کر اقدام کیا اور متاثرہ شخص کو ایمبولینس میں اسپتال پہنچایا۔
تفصیلات کے مطابق آندھراپردیش کے اننت پور ضلع میں، کورونا متاثر شخص کو ایک ایمبولینس کے لئے پانچ گھنٹے سے زیادہ انتظار کرنا پڑا۔ آخر ای ٹی وی کے اقدام سے حکام نے ایک ایمبولینس فراہم کی۔ دس دن پہلے، ضلع اننت پور کے قصبے مڈاکشیرا کے ہندو پورم کوویڈ اسپتال میں کورونا علامات سے متاثر ٹیچر کو فوری طور پر لایا گیا تھا۔ وہاں دو دن علاج کے بعد ڈاکٹرز نے انھیں یہ کہتے ہوئے گھر بھیج دیا کہ وہ گھر کی تنہائی میں رہ سکتے ہے اور علاج کروا سکتے ہیں۔
متاثرشخص جو گھر میں الگ تھلگ رہ رہا تھا، اتوار سے ہی سانس لینے میں دشواری کا سامنا کررہا ہے۔ ڈاکٹروں نے متاثر شخص کو ہندو پورم منتقل کرنے کا مشورہ دیا کیونکہ پیر کو یہ مسئلہ اور بڑھ گیا تھا۔ اہل خانہ نے پیر کی شام 4 بجے 108 ایمبولینس کوطلب کیا۔ تاہم ، طویل وقت تک ایمبولینس نہیں پہنچی۔ اہل خانہ کی متاثر شخص کی حالت پر تشویش بڑھ گئی۔ اس دوران ای ٹی وی پراس اسٹوری کو دکھایا گیا جس کے بعد حکام نے متاثر شخص کو فوری طور پر ہندو پورم منتقل کیا۔
یہ بھی پڑھیں:حیدرآباد: 15اگست تک تین ہزار بیت الخلاوں کی تعمیر کا ہدف
