وزارت انسانی وسائل کی ترقی نے لاک ڈاؤن کو مدنظر رکھتے ہوئے جے این یو ، یو جی سی ، نیٹ اور ایگنو پی ایچ ڈی اور متعدد دیگر داخلہ امتحانات ملتوی کرنے کا فیصلہ کیا ہے۔
وزیر ترقی انسانی وسائل رمیش پوکھریال نے کہا کہ نیشنل ٹیسٹنگ ایجنسی کے ڈائریکٹر جنرل کوہدایت دی گئی ہے کہ وہ مختلف امتحانات کے لئے جمع کی جانے والی درخواستوں کی آخری تاریخ ملتوی کردیں۔
مرکزی وزیر نے کہا کہ ان داخلی امتحانات میں جواہر لعل نہرو یونیورسٹی یو جی سی نیٹ ، آئی جی این او پی ایچ ڈی ، آئی سی اے آر امتحان ، این سی ایچ ایم-جی اور مینجمنٹ کورس شامل ہیں۔ ان تمام امتحانات کی آخری تاریخ میں ایک ماہ کی توسیع کردی گئی ہے۔
وزارت ترقی انسانی وسائل نے ساتھ میں سی بی ایس ای، این آئی او ایس اور این ٹی اے کو امتحانات کے نئے شیڈول تیار کرنے کی ہدایت دی ہے۔اس کے ساتھ خود مختار اداروں اور این سی آر ٹی سے متبادل تعلیمی کلینڈر تیار کرنے کو کہا ہے۔
وزارت نے یہ قدم اس لیے اٹھایا ہے تاکہ طلباء آسانی کے ساتھ ان امتحانات کے لیے درخواستیں جمع کرسکیں۔
کورونا وائرس کے انفیکشن کے خطرے کے پیش نظر مرکزی حکومت نے نیٹ(این ای ای ٹی) کے امتحانات ملتوی کرنے کا فیصلہ کیا ہے۔
واضح رہے کہ این ای ای ٹی کے لیے داخلہ کارڈ جاری کیے جانے تھے، لیکن وہ جاری نہیں کیے گئے، اب وزارت نے امتحانات ملتوی کرنے لیے نوٹس جاری کیے ہیں۔
ایک سینئر عہدیدار نے کہا کہ ملک گیر لاک ڈاؤن کے نفاذ کے بعد اب اس قسم کے امتحانات منعقد کرنا ممکن نہیں ہے۔
وہیں جے ای ای مین کے امتحانات بھی ملتوی کردیے گئے ہیں۔
اندرا گاندھی نیشنل یونیورسٹی (ایگنو) نے ٹرم اینڈ امتحانات کے فارم جمع کرنے کی آخری تاریخ 30 اپریل کو بغیر تاخیر فیس کے توسیع کردی ہے۔
وزارت کے ایک سینئر عہدیدار نے کہا کہ وزارت داخلہ کی جانب سے 24 مارچ کو جاری کردہ حکم کے مطابق وزارت ترقی انسانی وسائل کے تمام دفاتر اور اس کے خود مختار اور ماتحت ادارے تین ہفتوں کے لئے بند رہیں گے۔
