'مضبوط بھارت کے لیے کسانوں اور مزدوروں کو بااختیار بنانا ضروری'

کانگریس کے سابق صدر راہل گاندھی نے کہا ہے کہ مزدور ، کسانوں اور محنت کش ہی بھارت کی اصل طاقت ہیں اور ان کو بااختیار بنانے سے ہی ملک کو مضبوط بنایا جاسکتا ہے۔

راہل گاندھی نے پیر کو جاری کی گئی ایک ویڈیو میں کہا کہ 'بھارت کی طاقت مضبوط معیشت ، نوجوانوں کو روزگار اور معاشرتی ہم آہنگی ہے۔ اگر وزیر اعظم مودی اپنے چند سرمایہ دار دوستوں کی مدد کرکے ملک کو کھوکھلا کرنے کی بجائے کسانوں ، مزدوروں اور محنت کشوں کا تحفظ کیا جاتا تو چین کی ہماری سرزمین پر نگاہ ڈالنے کی ہمت نہیں ہوتی'۔

انہوں نے ایک ویڈیو میں کہا کہ 'چین جانتا ہے کہ بھارت میں اس کی طاقت کسان مزدور اور محنت کش طبقہ ہے جنہیں کمزور کیا جارہا ہے۔اگر اسے یہ محسوس ہوتا ہے کہ بھارت کی اصل طاقت کسانوں ، مزدوروں ، محنت کشوں کو کمزور نہیں کیاگیا تو پھر اس کی ہمت ہماری طرف آنکھ اٹھاکر دیکھنے کی نہیں ہوتی '۔