قومی دارالحکومت دہلی سے منسلک ریاست اترپردیش کے صنعتی شہر نوئیڈا میں کورونا وبائی مرض نے پوری دنیا کے معاشی نظام کو درہم برہم کردیا اور دنیا کے بڑے بڑے ملک اورشہر لاک ڈاؤن کی وجہ سے معاشی سرگرمیوں اور کاروبار سے الگ ہو گئے۔
واضح رہے کہ ملک کی متعدد صنعتیں اور کارخانے بند ہیں اور یہاں کام کرنے والے افراد کو متعدد معاشی اندیشوں اور خطرات کا سامنا ہے۔
آج نوئیڈا کے سیکٹر 63 کی ایک ایکسپورٹس کمپنی کے باہر پریشان ملازمین نے تنخواہیں نہ ملنے پر ہنگامہ کیا۔
ملازمین کا الزام ہے کہ گزشتہ تین ماہ سے انہیں کمپنی کی جانب سے تنخواہ نہیں دی گئی ہے اور انہیں آج خبر ملی کہ کمپنی مالکان خاموشی سے کمپنی سے سامان نکالنے کی کوشش کررہے ہیں۔
اس خبر سے مزدور بھڑک گئے اور ہنگامہ شروع کر دیا، جہاں بھی دوران ہنگامہ ملازمین دو گز کی دوری کا بھی فاصلہ بھول گئے اور سوشل ڈسٹینسنگ کی جم کر خلاف ورزی ہوتی رہی۔
ہنگامہ کی اطلاع پر پولیس پہنچی، لیکن اس نے لوگوں کو یہ نہیں سمجھایا کہ ایک دوسرے سے فاصلہ قائم رکھیں۔
یعنی پولیس کے سامنے سوشل ڈیسٹینسگ پر عمل درآمد نہیں ہو رہا ہے اور ملازمین کا ہنگامہ سوشل ڈیسٹینسگ پر عمل کیے بغیر جاری رہا۔
واضح رہے کہ عالمی وبا کوروناوائرس کے پیش نظر نئی دہلی میونسپل کارپوریشن میں صفائی کارکن کو بھی تین مہینوں سے تنخواہ نہیں ملی ہے۔
