شیعہ مسلمان ہر سال عید غدیر کو اہتمام سے مناتے ہیں۔ اہل تشیع کی روایات کے مطابق عید غدیر کو عید اکبر بھی کہا جاتا ہے۔ عید غدیر کے دن کی بڑی فضیلت ہے۔ اس دن شعیہ مسلمان روزہ بھی رکھتے ہیں۔
واضح رہے کہ شیعہ حضرات اسلامی مہینہ ذی الحجہ کی 18 تاریخ کو غدیر خمُ کے نام سے عید غدیر مناتے ہیں۔
اس موقع پر بتایا گیا کہ اسلام امن کا مذہب ہے، اسلام ہر طرح کی دہشت گردی کا مخالف ہے۔ اسلام جیئو اور جینے دو کی تعلیم دیتا ہے۔
مزید پڑھیں : لکھنؤ میں عید غدیر منائی گئی
اس دن علاقے کے لوگوں نے خصوصی نماز ادا کی اور ایک دوسرے سے گلے مل کر عید غدیر کی مبارکباد پیش کی۔
اس دن ضلع امروہہ کے شیعہ مسلمانوں نے کثیر تعداد میں شریک ہو کر جلوس بھی نکالا۔
شیعہ امام، حسن امام عابدی نے مجلس کو خطاب کرتے ہوئے کہا کہ' آج کا دن بڑا مبارک دن ہے۔ آج کے دن ہی پیغمبر آخر حضرت محمد صلی علیہ وسلم نے اپنے آخری حج کے موقع پر غدیر خم کے مقام پر ایک بڑا اجتماع کیا اور وہاں موجود فرزندان توحید کو خطاب کرتے ہوئے حضرت علی کرم اللہ وجہ (رضی اللہ عنہ) کو اپنا جانشیبن اور ولی قرار دیا۔'
امام عابدی نے کہا کہ ' اسلام میں دہشت گردی کی کوئی جگہ نہیں ہے۔ بلکہ اسلام تو لوگوں کو محبت سکھاتا ہے۔ اسلام سراپا امن و آشتی کا مذہب ہے'۔
اس کے علاوہ دیگر امام باڑوں میں مجالس کا انعقاد کیا گیا جہاں لوگوں کو عید غدیر کی اہمیت سے واقف کرایا گیا۔
