ہفتہ کے روز نو جماعتوں کا ایک وفد کانگریس رہنما راہل گاندھی کی قیادت میں سری نگر کا دورہ کرنے والا ہے، اس سلسلہ میں محکمہ اطلاعات و تعلقات عامہ نے مختلف ٹویٹس کرتے ہوئے اپوزیشن جماعتوں کو مشورہ دیا کہ ان حالات میں کہ جب حکومت سرحد پار دہشت گردی کے خطرات، علاحدگی پسندوں اور شرپسندوں کو کنٹرول کرنے کا کام کررہی ہے اور وادی میں کسی بھی قسم کی کشیدگی اور بد امنی کو ہونے سے روکنے کا کام کررہی،ایسے میں اپوزیشن رہنماوں کا دورہ سری نگر مناسب نہیں ہے۔ مذکورہ محکمہ نے اپوزیشن رہنماوں کو دورہ کو منسوخ کرنے کا مشورہ دیا۔
واضح رہے کہ راہل گاندھی کے کشمیر کی صورتحال کو تشویش ناک بتائے جانے پر گورنر کشمیر ستیہ پال ملک انھیں کشمیر کے دوری دعوت دی تھی جس کے بعد راہل نے کشمیر کے دورہ کا اعلان کیا تھا۔
