آل انڈیا مسلم پرسنل لا بورڈ کے جنرل سکریٹری مولانا سید محمد ولی رحمانی نے کہا کہ موجودہ صورتحال کو دیکھتے ہوئے لاک ڈاؤن کی خلاف ورزی نا کریں بلکہ گھروں میں ہی نمازوں اور دوسری تمام عبادات کا اہتمام کریں۔
انہوں نے کہا کہ لاک ڈاؤن کی وجہ سے غریب اور مزدور طبقہ سب سے زیادہ متاثر ہوا ہے اس لیے اس ماہ میں زکوۃ و صدقات سے ان کی مدد کریں۔
اسی طرح مولانا عبدالسبحان رحمانی نے امت مسلمہ سے اپیل کی ہے کہ حکومت کی جانب سے جاری کردہ حکم نامے کے مطابق مساجد میں کسی بھی طرح کی عبادت کے لیے تشریف نا لے جائیں۔
واضح رہے کہ کورونا وائرس کی وجہ سے پورے ملک میں لاک ڈاؤن ہے اور حکومت نے اپیل کی ہے کہ کسی بھی جگہ کسی بھی طرح کا اجتماع یا ہجوم نا کریں اسی لیے علماء نے متفقہ طور پر فیصلہ کیا ہے کہ اس برس مساجد میں تراویح میں چار تا پانچ افراد ہی شرکت کریں گے جبکہ تمام لوگ گھروں پر ہی تراویح ادا کریں۔
