گزشتہ روز سوشل میڈیا پر کسانوں سے متعلق گھٹیا تبصرے پر بالی وڈ اداکارہ کنگنا رناؤت کو آئینہ دکھا کر سرخیوں میں جگہ بنانے والے پنجابی گلوکار دلجیت دوسانجھ کسانوں کی حمایت میں سنگھو بارڈر پر پہنچے اور ان کا حوصلہ بڑھایا۔
دلجیت نے خطاب میں کہا کہ 'مرکزی حکومت سے محض ایک ہی درخواست ہے کہ وہ ہمارے کسانوں کے مطالبات منظور کرے۔ کسان یہاں پُرامن احتجاج کر رہے ہیں اور پورا ملک ان کے ساتھ ہے'۔
دلجیت نے کہا کہ 'میں تمام کسانوں کو سلام کرتا ہوں جنہوں نے نئی تاریخ رقم کی ہے اور ان کی ہمت و جرأت کی کہانی آئندہ نسلوں کو سُنائی جائے گی۔
انہوں نے مزید کہا کہ ' کسانوں کے مسائل کو دوسرا رخ نہیں دیا جانا چاہیے۔
کسان مسئلے کو جلد حل کرنے پر وزیراعظم کا زور، آگے کے لائحہ عمل پر سب کی نگاہ
واضح رہے کہ ملک بھر کے کسان گزشتہ کئی دنوں سے دہلی ہریانہ بارڈر پر زرعی قوانین کی واپسی کے مطالبے پر احتجاج کر رہے ہیں اس دوران حکومت اور کسان تنظیموں کے درمیان مٹنگیں بھی ہوچکی ہیں لیکن سبھی میٹنگز بے نتیجہ رہی کیوں کہ کسان زرعی قوانین کی واپسی پر بضد ہیں۔
