لوک سبھا انتخابات میں بھوپال پارلیمانی سیٹ سے کانگریس پارٹی کے امیدوار اور سابق وزیر اعلی دگ وجے سنگھ نے اپنے انتخابی سرگرمیاں تیز کر دی ہے۔
کل دیر رات بھوپال پہنچے دگ وجے سنگھ نے صبح سے ہی مختلف علاقوں میں میٹنگ میں شرکت کی اور شام کو بھوپال کے نیلم پارک میں پارٹی کارکنان اور عام لوگوں سے خطاب کیا۔
دگ وجے سنگھ نے اپنے خطاب میں کہا مجھے کانگریس نے بھوپال سے امیدوار بنایا ہے اور میں آپ لوگوں کی مدد سے یہ سیٹ ضرور جیت ہوگا۔
انہوں نے راہول گاندھی اور وزیر اعلی کمل ناتھ کا شکریہ ادا کیا اور کہا یہ سیٹ ایک وقت میں سابق صدر جمہوریہ شنکر دیال شرما کی رہی ہے- اور مجھے خوشی ہے کہ میں اس سیٹ سے چناؤ لڑ رہا ہوں یہ میرے لیے بڑے فخر کی بات ہے۔
دگ وجے سنگھ نے اس موقع پر بھوپال کے غریبوں کے مسیحا کہے جانے والے شاکر علی کو بھی یاد کیا۔
انہوں نے کہا کانگریس ایک ایسی پارٹی ہے جو سب کو یاد رکھتی ہے کسی کو بھلاتی نہیں ہے اور بھارتیہ جنتا پارٹی پر طنز کرتے ہوئے کہا کی بھارتی جنتا پارٹی نے اپنے بڑے بڑے رہنما لال کرشن اڈوانی, مرلی منوہر جوشی, سمترا مہاجن اور بابا لال گور جیسے رہنماوں کو ریٹائرڈ کردیا اور امت شاہ جیسے لوگ ملک پر قبضہ کرنا چاہتے ہیں۔
