بھارتی ٹیم کے عظیم سلامی بلے باز سچن تندولکرجو ابھی تک عالمی کپ میں سب سے زیادہ رنز بنانے والے کھلاڑی ہیں انہوں نے سابق کپتان اور بھارتی وکٹ کیپر مہندر سنگھ دھونی کی عالمی کپ میں بلے بازی کے طریقے کی حمایت کی ہے۔
تندولکر کا کہنا تھا کہ دھونی کی بلے بازی کے طریقے میں انہیں کوئی خامی نظرنہیں آتی۔
انھوں نے مزید کہا کہ وہ اپنی ٹیم کو ہمیشہ آگے رکھتے ہیں۔
خیال رہے کہ افغانستان کے خلاف میچ میں دھونی نے جس طرح سے بلے بازی کی تھی اس کے لیے انہیں کافی تنقید سہنی پڑی تھی تاہم لٹل ماسٹر نے ان کا دفاع کیا ہے۔
دھونی نے بنگلہ دیش کے خلاف 33 گیند پر صرف 35 رنز ہی بنا ئےتھے، جس کی وجہ سے بھارت آخری دس اوور میں صرف 63 رنز ہی بنا سکا تھا۔
میچ کے بعد مداحوں نے شوسل میڈیا پرانکو تنقید کا نشانہ بنایا لیکن تندولکر نے اس اننگ کو بھارت کے لیے بہت ہی اہم قرار دیا ہے۔
انکا کہنا تھا: ''میرے خیال سے یہ ایک اہم اننگ تھی۔ دھونی ٹیم کی ضرورت کی مطابق کھیلتے ہیں۔ اگر وہ پچاس اوور تک رہتے ہیں تو دوسرے بلے بازوں کی کافی مدد کرتے ہیں۔ جسکی وہ امید کرتے ہیں وہی کرتے بھی ہیں''
واضح رہے کی گذشتہ ہفتہ افغانستان کے خلاف 11 رنوں سے ملی جیت کے باوجود میچ میں بھارتی بلے بازوں اور خاص کر دھونی اور کیدار کی سست رفتار بلے بازی پر کرکٹ شائقین نے تنقید کی تھی۔