نامساعد حالات کے دوران ضلع کے مختلف مقامات پر کئی افراد نے غیر قانونی طور تعمیرات کا کام کیا تھا جنہیں منہدم کرنے کے لیے میونسپل کمیٹی اور محکمہ مال کی جانب سے مشترکہ کارروائی عمل میں لائی گئی۔
یہ انہدامی کارروائی اسسٹنٹ کمشنر ریونیو کی سربراہی میں انجام دی گئی۔ قابل ذکر ہے کہ جموں و کشمیر کو آئین ہند کی دفعہ 370 اور 35 اے کے تحت حاصل خصوصی اختیار کو کالعدم قرار دینے کے بعد جموں و کشمیر میں حالات بے حد کشیدہ ہوئے، گورنر انتظامیہ کی جانب سے سخت ترین بندشیں عائد کرنے کے علاوہ مواصلاتی نظام کو بھی مکمل طور منسوخ کیا گیا۔
کولگام میں ناجائز تعمیرات کے خلاف انہدامی کارروائی
جہاں ایک جانب ان بندشوں سے عام زندگی مفلوج ہو کر رہ گئی وہیں ان نامساعد حالات کی آڑ میں کئی افراد نے غیر قانونی ڈھانچے تعمیر کئے۔ضلع انتظامیہ نے ناجائز تعمیرات کے خلاف اس کارروائی کو جاری رکھنے کا عزم ظاہر کیا۔
