تلنگانہ کے ضلع جنگاوں ضلع کے چناپینڈیال گاوں کے افراد نے انقلابی شاعر ورا ورا راو کی رہائی کامطالبہ کرتے ہوئے ہفتہ کو خاموش احتجاج کیا۔مسٹر راو جو ایلگرپریشد معاملہ کے سلسلہ میں ملزم کے طورپر پونے کی تلوجہ جیل میں محروس تھے
انہیں جیل میں چکر آنے اور بے ہوش ہونے کی شکایت کے بعد جے جے اسپتال منتقل کیاگیا۔احتجاجیوں نے کہاکہ ورا ورا راو اسی گاوں سے تعلق رکھتے ہیں جنہوں نے سماج کے پچھڑے اور مراعات سے محروم طبقات کی بہبود کے لئے ہمیشہ جدوجہد کی۔
شاعر کی اہلیہ ہیم لتا نے بھی صحت کی خرابی کے پیش نظر ان کے شوہر کی رہائی کا مطالبہ کیا۔انہوں نے مرکز،تلنگانہ اور مہاراشٹرحکومتوں کو مکتوبات روانہ کرتے ہوئے ورا ورا راو کی صحت کے بارے میں تشویش کااظہار کیا جو مختلف عوارض کے شکار ہیں۔انہوں نے مرکزی مملکتی وزیرداخلہ کشن ریڈی پر زور دیا کہ وہ شاعر کی رہائی کی ذمہ داری قبول کریں۔
