سابق وزیر مہادیو اپانے کرناٹک کی بی جے پی حکومت سے مطالبہ کیا ہے کہ وہ کورونا وائرس معاملے میں طبی آلات کی خریداری کے دوران ہوئے گھپلوں سے خود کو بے گناہ ثابت کرنے کے لئے اس معاملے کی ہائی کورٹ کے کسی موجودہ جج سے تحقیقات کروائے جانے کا حکم جاری کرے۔
انہوں نے کہا کہ حکومت کو چاہیے کہ وہ خود اپنی شفافیت کو سامنے لائے۔ کسی بھی تردد یا خوف و ہچکچاہٹ کا مظاہرہ نہ کرے، بلکہ وہ اس معاملے کو جلد از جلد سامنے لائے
انہوں نے ریاستی وزیراعلی پر الزام عائد کرتے ہوئے کہا کہ مرکزی و ریاستی حکومتیں ریاست میں اور ملک میں کورونا وائرس پر قابو پانے میں مکمل طور پر ناکام ثابت ہوئی ہیں۔
مہادیو اپانے نے کہا ہے کہ 'مریض اسپتالوں میں طبی سہولتیں نہ ہونے کے باعث مر رہے ہیں'۔
وزیر کے مطابق 'خانگی ہسپتالوں میں باوجود ہدایت کے کورونا مریضوں کو شریک کروائے جانے سے صاف انکار کیا جا رہا ہے'۔
انہوں نے کہا کہ 'ان سنگین مسائل کو حل کرنے کی جانب توجہ مرکوز کرنے کے بجائے ریاستی حکومت اس قسم کے گھپلوں میں ملوث ہے'۔
