قومی دارالحکومت دہلی کے نیو فرینڈس کالونی تھانے کی پولیس نے ایک شاطر چور کو گرفتار کرکے چوری کے سامان برآمد کرنے کا دعویٰ کیا ہے۔۔
جنوب مشرقی دہلی کی نیو فرینڈس کالونی تھانے کی پولیس ٹیم نے پوش علاقے کی کوٹھیوں اور مکانوں میں نصف شب میں چوری کرنے والے سوپر چور کو گرفتار کیا ہے۔
ساتھ ہی اس کے ساتھ چوری کے سامان کے خریدار کو بھی گرفتار کیا ہے۔
شاطر چور کی شناخت 40 سالہ محمد اکرم کے طور پر ہوئی ہے اور خریدار کی شناخت 41 سالہ شیخ خالد محمد کے طور پر ہوئی ہے۔ پولیس نے چور کے پاس سے 10 لاکھ روپے کے زیورات برآمد کرنے کا دعویٰ کیا ہے۔
ملزم اکرم پر پہلے سے 25 کیس درج ہیں۔ بنیادی طور پر اکرم اترا کھنڈ کا رہنے والا ہے اور ان دنوں سیلم پور علاقے میں چھپا ہوا تھا۔
ملزم اتنا شاطر تھا کہ 12 فٹ کی اونچائی سے نیچے بڑی آسانی سے کود جاتا تھا اور بھاگنے میں بھی ماہر تھا۔
سپر چور کو اس ایچ او راجیش مشرا اور ایس آئی وشنو شرما کی نگرانی میں گرفتار کیا گیا ہے۔ فی الحال پولیس دونوں سے پوچھ گچھ کرکے جانچ کر رہی ہے۔
ڈپٹی کمشنر آف پولیس چنمے بشوال نے بتایا کہ گذشتہ 23۔24 جولائی کو مہارانی باغ علاقے میں ہوئی چوری کی واردات میں مخبر اور سی سی ٹی وی فوٹیج کے مطابق اکرم کا ہاتھ ہو سکتا ہے۔ اسی بیچ پولیس ٹیم کو اطلاع ملی کے اکرم سیلم پور میں چھپا ہوا ہے۔
اطلاع کے فورن بعد پولیس کی ٹیم نے اکرم کو گرفتار کر لیا۔
پوچھ گچھ کرنے پر اکرم نے بتایا کہ اس نے چوری کے زیورات شیکھ محمد کو بیچ دیے تھے، جو کی ان دنوں لاجپت نگر میں رہ رہا ہے۔ پولیس نے اسے گرفتار کرنے کے بعد ہیرے کے زیورات زبت کیے۔
سوپر چور اکرم کی گرفتاری پولیس کی بڑی کامیابی مانی جا رہی ہے۔ کیوکہ اکرم اس سے قبل چوری کے کئی معاملات میں شامل رہا ہے۔
