وزیر داخلہ امت شاہ نے دہلی کے نانگلوئی جاٹ اسمبلی حلقہ میں انتخابی جلسۂ عام میں دہلی کے وزیر اعلی اروند کیجریوال کے خلاف بہت سے سنگین سوالات اٹھائے، ان کا کہنا تھا کہ اروند کیجریوال کی جس انا تحریک سے پہچان بنی تھی اس میں انہوں نے وعدہ کیا تھا کہ کہ وہ جن لوک پال کا نفاذ کریں گے جبکہ دہلی میں آج جان لوک پال کا پتہ تک نہیں ہے۔
ان کا کہنا تھا کہ دراصل اروند کیجریوال انا کی تحریک کا فائدہ اٹھا کر دہلی کے وزیر اعلی بن گئے اور اور گزشتہ پانچ برسوں میں کیجریوال نے دہلی کے لئے کچھ نہیں کیا۔
وزیر داخلہ امت شاہ نے اپنے خطاب کے دوران 'سی اے اے' پر اپنا موقف ركھااور کہا کہ 'سی اے اے' کو لے کر مسلسل کانگریس اور عام آدمی پارٹی کی طرف سے غلط فہمیاں پھیلائی جا رہی ہیں، یہ ایک ایسا قانون ہے، جو کہ افغانستان پاکستان اور بنگلہ دیش سے آئے لوگوں کے لئے بنایا گیا ہے، جنهیں وہاں پر تشدد کا نشانہ بنایا جا رہا ہے۔
امت شاہ نے اپنے خطاب کے دوران یہ بھی کہا کہ 'آئندہ چار ماہ کے اندر ایودھیا میں ایک عظیم الشان رام مندر تعمیر ہونے والا ہے، انہوں نے کہا کہ رام مندر تنازعہ ایک ایسا معاملہ تھا جو گزشتہ کئی برسوں سے اٹکا ہوا تھا اور اس لٹکانے میں کانگریس پارٹی کے بڑے رہنماؤں کا ہاتھ تھا'۔
ریلی سے خطاب کے دوران امت شاہ نے سرجیکل اسٹرائک اور جموں وکشمیر کی خصوصی حیثیت کو ختم کیے جانے کا ذکر کرتے ہوئے اسے مودی حکومت کی ایک بڑی کامیابی بتائی، اس دوران انہوں نے کانگریس اور عام آدمی پارٹی پر الزام عائد کرتے ہوئے ہوئے کہا کہ یہ وہی اروند کیجریوال اور راہل گاندھی ہیں جو کچھ دن قبل تک ملک کے دشمنوں کے خلاف فوج کی طرف سے کی گئی سرجیکل اسٹرائیک کا ثبوت مانگ رہے تھے۔
امت شاہ نے نہ صرف دونوں پارٹیوں پر شدید نکتہ چینی کی بلکہ انہیں ملک مخالفین کی حمایت کرنے والا بھی بتایا اور کہا کہ اگر کانگریس یا عام آدمی پارٹی کی حکومت دہلی میں آجائے تو دہلی محفوظ نہیں رہ سکتی۔
اگر دارالحکومت دہلی کو محفوظ رکھنا ہے اور اسے ترقی کی راہ پر آگے بڑھانا ہے تو کمل کا بٹن دبائیں تاکہ دارالحکومت دہلی میں نریندر مودی کی قیادت میں دہلی حکومت کی مدد سے ترقی کی راہ پر گامزن ہوسکے۔
وزیر داخلہ امیت شاہ جب جلسۂ عام سے خطاب کررہے تھے تو اس دوران وہاں موجود ان کے کارکنان نے 'دیش کے غداروں کو گولی ماروں سالوں کو' جیسے نعرے بھی لگائے گئے۔
