کانگریس کے سینیئر رہنما پی چدمبرم نے ایک ٹویٹ کیا، اپنے ٹویٹ میں وہ لکھتے ہیں کہ 'ملک سے غداری قانون کو لے کر دہلی حکومت کی تفہیم مرکز سے کچھ کم نہیں ہے'۔
وہ آگے لکھتے ہیں 'میں کنہیا کمار اور دیگر کے خلاف تعزیرات ہند کی دفعہ 124 اے، اور 123 بی کے تحت مقدمہ چلانے کی اجازت دیے جانے کو واضح طور پر خارج کرتا ہوں'۔
در اصل دہلی حکومت نے جے این یو میں ملک مخالف لگائے گئے نعروں میں طلبا یونین کے سابق صدر کنہیا کمار اور دیگر دو پر ملک سے غداری کا مقدمہ چلانے کے لیے دہلی پولیس کو منظوری دے دی ہے۔
پولیس نے سنہ 2016 کے اس معاملے میں کنہیا کمار کے ساتھ جے این یو سابق طالبعلم عمر خالد اور انربان بھٹا چاریہ کے خلاف چارج شیٹ داخل کیا تھا۔
پولیس نے کہا کہ ملزمین نے نو فروری 2016 کو جے این یو میں ایک جلوس کے دوران مبینہ طور پر ملک مخالف نعرہ لگائے جانے کا الزام ہے۔
