ریاست کرناٹک میں اقتدار میں آتے ہی نو منتخب وزیراعلیٰ بی ایس یدی یورپا نے کنڑ اور کلچر ڈپارٹمنٹ کو ٹیپو سلطان جینتی نہیں منانے کا حکم دیا ہے۔
یہ فیصلہ گذشتہ روز کابینہ کی میٹنگ کے دوران کیا گیا۔
ریاست کرناٹک میں ٹیپو جینتی کا معاملہ پہلے سے ہی موضوع بحث رہا ہے اور بی جے پی اکثر اس کی مخالفت کرتی رہی ہے۔
بی جے پی ٹیپو سلطان کو ایک ظالم حکمراں قرار دیتی ہے، جبکہ کانگریس پارٹی مطابق ٹیپو سلطان ایک ہیرو تھے، جنھوں نے انگریزوں کے خلاف لڑائی میں نہایت اہم کردار ادا کیا۔
اٹھارویں صدی کے میسور کے حکمراں ٹیپو سلطان کی جینتی ہر برس 10 نومبر کو منائی جاتی ہے لیکن اب جب ریاست میں بی جے پی اقتدار میں آ گئی ہے تو اس پر پابندی عائد کرنے کا فیصلہ کیا گیا ہے۔
گذشتہ برس کانگریس ۔ جے ڈی ایس حکومت میں ٹیپو جینتی دھوم دھام سے منائی گئی تھی۔
سنہ 2015 سے کانگریس کی قیادت والی کرناٹک حکومت کی جانب سے ٹیپو جینتی منانے کی شروعات کی گئی تھی۔
کرناٹک کے سابق وزیراعلی کرناٹک حکومت کے اس فیصلے پر ردعمل کا اظہار کرتے ہوئے کہا: 'میں ٹیپو جینتی کی شروعات کی تھی۔ میرے مطابق وہ جنگ آزادی کے پہلے مجاہد تھے۔ بی جے پی سیکولر نہیں ہے۔'
