ممبئی فٹ اوور بریج سانحہ میں زخمی ہونے والے مریضوں سے مہاراشٹر کے وزیراعلی دیویندر فڑنویس نے ملاقات کی۔
مہاراشٹر کے وزیراعلیٰ دیویندر فڑنویس نے جمعے کے روز ایس ٹی جارج ہسپتال میں زخمی مریضوں کی عیادت کی اور ان کی خیریت پوچھی۔ نیز انہوں نے ان کی جلد صحت یابی کی دعا بھی کی ۔
میڈیا سے بات کرتے ہوے فڑنویس نے کہا کہ میں اس حادثے میں زخمی ہونے والے تقریبا تمام ہی افراد سے ملاقات کی ہے۔ 10 مریض جنرل وارڈ میں جبکہ ایک آئی سی یو میں داخل ہے اور خطرے سے باہر ہے۔
انہوں نے مزید کہا کہ لوگوں کی آمدورفت کے لئے میں نے ممبئی میونسپل کارپوریشن سے بھی پل کو شام تک مرمت کر نے کو کہا ہے۔
واضح راہے کہ جمعرات کو تقریباً 7:30 بجے ممبئی کا مصروف ترین فٹ اوور برج منہدم ہوگیا جس میں دب کر 6 لوگوں کی موت ہوگئی اور متعدد افراد زخمی ہوگئے۔
