دارالحکومت دہلی میں کانگریس پارٹی کے ہیڈ کوارٹر میں کانگریس ورکنگ کمیٹی(سی وی سی) کی میٹنگ کا آغاز ہو گیا ہے۔
اس میٹنگ میں شرکت کے لیے یو پی اے کی سربراہ سونیا گاندھی، کانگریسی رہنما راہل گاندھی، رندیپ سورجے والا، کے سی وینو گوپال، ہریش راوت، میرا کمار اور احمد پٹیل سمیت کئی رہنما وغیرہ پارٹی ہیڈکوارٹر پہنچ چکے ہیں۔
کانگریس پارٹی کے صدر راہل گاندھی نے عام انتخابات میں شکست کی ذمہ داری لینے کے گذشتہ 25 مئی کو ہونے والی ورکنگ کمیٹی کی میٹنگ میں استعفی دینے کی پیشکش کی تھی۔
ورکنگ کمیٹی نے اس وقت ایک آواز میں ان سے عہدہ پر فائز رہنے کی درخواست کی تھی لیکن وہ استعفی پر بضد رہے اس لیے نئے صدر کے نام پر غور کرنے کے لیے ورکنگ کمیٹی کی یہ اہم میٹنگ طلب کی گئی ہے۔
لوک سبھا انتخابات کے بعد ورکنگ کمیٹی کی یہ تیسری میٹنگ ہوگی۔
