رونالڈو کوجشن منانا مہنگا پڑ گیا

دُنیائے فٹ بال کے اسٹار کھلاڑی کرسٹیانو رونالڈو نے چیمپئنز لیگ کے راؤنڈ 16 میں ایٹلیکٹو میڈرڈ کے خلاف ہیٹ ٹرک کے ذریعے اپنی ٹیم کو کوارٹر فائنل میں پہنچایا۔

کرسٹیانو رونالڈو اس وقت مشکل میں پڑ گئے جب انہوں نے مخالف ٹیم کے خلاف گول کیا اور نازیبا انداز میں اس کا جش منایا۔

رونالڈو نے میچ میں اپنا تیسرا گول کرنے کے بعد جو جشن منایا وہ یوئیفا کو ناگوار گذر گیا اور انہوں نے جشن کے انداز پر ڈسپلنری ایکشن لے لیا۔

اُن کے مطابق یہ ایک نازیبا حرکت ہے جس کا خمیازہ رونالڈو کو جرمانے کے علاوہ پابندی کا بھی سامنا کرنا پڑ سکتا ہے۔

اس معاملے میں 21 مارچ کو حتمی فیصلہ سُنایا جائے گا۔