دہلی پولیس کرائم برانچ کی ٹیم جلد ہی تبلیغی مرکز کے بانی مولانا سعد کو گرفتار کر سکتی ہے اور باقی تبلیغی رہنماوں کو بھی جن کے نام ایف آئی آر میں درج ہیں۔
ذرائع نے بتایا 'اس دوران کرائم برانچ کے ساتھ ڈکٹروں کی ایک ٹیم بھی رہے گی تا کہ مولانا سعد کا پورا چیک اپ کر کے انہیں حراست میں لیا جائے' ۔
ہوسکتا ہے کہ مولانا سعد اور ان کے ساتھیوں نے پیشگی ضمانت کے لئے درخواست دی ہو، جس پر عہدیدار نے کہا: 'قانون ہر ایک کے لئے دستیاب ہے۔ ملزم کو پوچھ گچھ میں شامل ہونا پڑے گا۔ اب تک ہمیں بتایا گیا ہے کہ ملزم قرنطینہ میں تھا۔ اب ہم اس سے پوچھ گچھ کریں گے'۔
انہوں نےکہا کہ یہ اہمیت نہیں رکھتا کہ ہم کہاں پوچھ گچھ کریں گے، ہم پوچھ گچھ کی جگہ اپنی مرضی سے انتحاب کریں گے۔
قرنطینہ مدت کے دوران مولانا کے طبی معائنے کے بارے میں اور اس کے علاوہ کیا کچھ دستاویزات ضبط کیے گئے ہیں یا نہیں، کرائم برانچ کے عہدیدار نے کہا 'میڈیا کے کام کرنے اور ہمارے کام کرنے کے طریقوں میں فرق ہے، اس پر کچھ کہنا ابھی صحیح نہیں ہوگا'۔
