گزشتہ 15 مارچ کو ایک ویڈیو کانفرنس میں وزیراعظم نریندر مودی نے یہ تجویز پیش کی تھی کہ اس بیماری کے تعلق سے تمام ممالک کوآپس میں مل جل کر ایک دوسرے کے باہمی تعاون کے ساتھ ساتھ کام کرنا چاہئے۔
اس موقع پر وزیراعظم نریندر مودی نے کووڈ19- ایمرجنسی فنڈ کے لیے دس ملین ڈالر دینےکا وعدہ کیا۔ ذرائع کے مطابق سارک ممالک کی وزارت تجارت کے حکام اس ہفتے ویڈیو کانفرنس کے ذریعے تبادلہ خیال کریں گے۔علاقائی تعاون کیلئے ساؤتھ ایشین ایسوسی ایشن (سارک) میں افغانستان، بنگلہ دیش، بھوٹان، بھارت، مالدیپ، نیپال، پاکستان اور سری لنکا شامل ہیں۔ گذشتہ ہفتے بھارت نے کورونا وائرس کے پھیلاؤ کا مشترکہ مقابلہ کرنے کے لئے مشترکہ الیکٹرانک پلیٹ فارم کے قیام کی تجویز پیش کی تھی۔ سارک کے تمام ممبر ممالک کورونا وائرس وبائی امراض کا شکار ہیں۔ بھارت میں اب تک کورونا وائرس کے 1،600 سے زیادہ مثبت واقعات درج ہوئے ہیں اور 40 کے قریب اموات ہوئی ہیں۔
