ہری دوار: چار مذہبی مقامات کو منہدم کرنے کا حکم

جسٹس اشوک بھوشن کی صدارت والی بنچ نے کہا 'بغیر اجازت کے ہر چیز غیر قانونی ہوتی ہے۔ زمین سینچائی محکمے کی ہے۔ یہ آپ کو عارضی طور پر دی گئی تھی۔ یہ مستقل نہیں تھی۔'

سپریم کورٹ نے جمعرات کو اتراکھنڈ کے ہری دوار میں عوامی مقامات پر غیر قانونی طور پر بنے مذہبی مقامات کو 31 مئی 2021 تک منہدم کرنے کا ریاستی حکومت کو حکم دیا ہے۔

جسٹس اشوک بھوشن کی صدارت والی بنچ نے معاملے میں مداخلت کرنے والے اکھیل بھارتیہ اکھاڑہ پریشد کی جانب سے پیش ہوئے وکیل سے کہا کہ بغیر اجازت کے ہر چیز غیر قانونی ہوتی ہے۔ زمین سینچائی محکمے کی ہے۔ یہ آپ کو عارضی طور پر دی گئی تھی۔ یہ مستقل نہیں تھی۔

جسٹس بھوشن نے کہا کہ 'اس تصویر کو دیکھئے۔ یہ مستقل تعمیرات ہے۔ ہم اسے خارج کرتے ہیں۔ عدالت نے کہا کہ چونکہ حکومت نے ان ڈھنانچوں کو منہدم کرنے کے لئے 31 مئی 2021 تک کا وقت مانگا ہے۔اس کی اجازت دی جاتی ہے۔'