گزشتہ آٹھ جون سے ملک بھر میں لاک ڈاون کو بدل کر ان لاک کرنے کے بعد سبھی عبادت گاہوں کو کھول دیا گیا ہے، اس دوران ملک میں متعدد مقامات پر بڑھتے کورونا کے کیسز کے پیش نظر مساجد میں پابندیاں بدستو جاری تھیں۔
آج لاک ڈاؤن کے اختتام کے بعد پہلا جمعہ ہے، اس دوران ملک کے بیشتر مقامات میں نماز جمعہ دو مختلف اوقات میں ادا کی جائیں گی، جبکہ دہلی کی تاریخی جامع مسجد اور حیدرآباد کی مکہ مسجد میں نماز جمعہ ادا نہیں کی جائے گی۔
میڈیا رپورٹس کے مطابق بہار کے دارالحکومت پٹہ کے حج بھون میں واقع مسجد میں بھی نماز جمعہ نہیں ادا کی جائے گی، پٹنہ حج کمیٹی کے چیئر میں الیاس حسین نے معاشرتی فاصلے کے پیش نظر یہاں جمعہ کی نماز ادا نہیں کرنے کا فیصلہ کیا، خاص بات یہ ہے کہ بہار میں مہاجر مزدوروں کی آمد کے بعد سے کورونا مریضوں کی تعداد میں مسلسل اضافہ درج کیا جا رہا ہے۔
موصول اطلاعات کے مطابق حیدرآباد محکمہ اقلیتی فلاح و بہبود نے مصلیوں کی بڑی تعداد میں آمد کے پیش نظر پولیس کی مدد طلب کی ہے۔
