سپریم کورٹ کے رجسٹرار راجیش کمار گوئل کی جانب سے جاری کردہ ایک سرکلر کے مطابق تمام گزیٹیڈ افسران تین دن کی تنخواہ دیں گے، غیر گزیٹیڈ ملازمین دو دن کی تنخواہ اور گروپ 'سی' کے ملازمین وزیر اعظم کیئر فنڈ میں اپنے ایک دن کی تنخواہ عطیہ کریں گے۔
سرکلر کے مطابق ملازمین کی شراکت مارچ کی تنخواہ سے کٹوتی کی جائے گی۔
جاری سرکلر میں کہا گیا ہے 'ہم سب اس وبائی بیماری کورونا وائرس کے بارے میں جانتے ہیں، جس نے پوری دنیا کو اپنی زد میں لے رکھا ہے، یہ وبا لاکھوں افراد کے لیے ایک سنگین چیلینج بن گیا ہے اور بھارت بھی اس سے مستثنیٰ نہیں ہے، ایسے وقت میں جب کورونا وائرس سے ملک شدید کو صحت اور معاشی مسائل کا سامنا ہے، توہم اپنے ملک کے لیے، انسانیت کے مقصد کے لئے سخاوت سے مالی تعاون کریں'۔
اس سرکلر میں مزید یہ بھی کہا گیا ہے بیشتر افسران اور اہلکارنے پہلے ہی اس نیک مقصد کے لئے اپنا تعاون دینے کا اعلان کر دیا ہے، لہٰذا یہ فیصلہ لیا گیا ہے کہ وزیر اعظم کیئرس فنڈ میں عطیہ کرکے اپنا مالی تعاون دیا جائے'۔
سرکلر کے مطابق 'یہ شراکت داری بہرحال رضاکارانہ ہوگی اور جو لوگ تعاون نہیں کرنا چاہتے ہیں انہیں 31 مارچ کی صبح دس بجے تک اعلی عدالت کو آگاہ کرنا ہوگا'۔
