اندور میں کوروناوائرس متاثرین کی تعداد 696، 39 ہلاکتیں

مدھیہ پردیش کے ضلع اندور میں كووڈ -19کے 696 کیسزاب تک سامنے آئے ہیں، جبکہ یہاں وائرس سے 39 مریضوں ہلاک ہو چکے ہیں ۔

چیف میڈیکل اینڈ ہیلتھ افسر ڈاکٹر پروین جڈیہ نے بتایا کہ گزشتہ رات تک ضلع میں کورونا متاثرین کی تعداد 586 تھی، جو دہلی سے آئی جانچ رپورٹ میں 110 نئے کیسز سامنے آنے کے بعد بڑھ کر 696 تک پہنچ گئی ۔

ڈاکٹر جڈیہ نے بتایا کہ سامنے آرہے زیادہ تر کیسز پرانے کورونا متاثرہ افراد کے رابطے میں آئے لوگ ہیں، جنہیں احتیاطا َپہلے ہی نگرانی میں رکھا جا رہا ہے ۔

ان میں سے سب سے زیادہ مریضوں کی حالت مستحکم ہے ۔ صرف 3 ہی ایسے مریض ہے جن کی حالت تشویشناک بتائی جا رہی ہے ن۔