بلیٹن کے مطابق گذشتہ 24 گھنٹوں میں پنجاب میں سب سے زیادہ 286 نئے پوزیٹیو کیسز کی تصدیق کے ساتھ اب پوزیٹیو کیسز 8799 تک پہنچ گئے۔ سب سے زیادہ جالندھر میں 92، لدھیانہ میں 61، پٹیالہ میں 26، امرتسر 22، موہالی 13، فیروز پور میں21 پوزیٹیو کیسز رپورٹ ہوئے ہیں۔ ریاست میں فعال مریضوں کی تعداد 2711 ہوگئی۔
تاہم ریکوری کی شرح میں اضافے کے ساتھ ہی 5867 افراد صحتیاب ہوئے ہیں۔ ریاست میں اب تک مشتبہ افراد کے 421593 سیمپل لیے جا چکے ہیں۔کورونا کے بڑھتے کیسز کے پیش نظر ریاستی حکومت نے عوامی جلسوں پر پابندی عائد کردی ہے اور عوام سے محتاط رہنے کی اپیل کی ہے تاکہ کورونا کا کوئی شکار نہ ہو۔
