بدھ کے روز مدھیہ پردیش میں کورونا وائرس کے 20 نئے مریضوں کی تصدیق ہوئی ہے، ریاست میں اب بچے بھی کورونا کی زد میں آگئے ہیں۔
موصول اطلاعات کے مطابق ریاست میں بدھ کو کورونا کے 20 نئے کیسز کی تصدیق ہوئی ہے۔ ان میں سے 19 مصدقہ کیسز صرف اندور سے سامنے آئے ہیں، ان میں ایک ہی خاندان کے نو افراد کورونا سے متاثر ہیں، انہیں میں ایک تین، پانچ اور آٹھ برس کے بچے بھی شامل ہیں۔
افسران کے مطابق ایک ہی خاندان کے جن نو افراد میں کورونا وائرس کی تصدیق ہوئی وہ اندور کے تنظیم نگر علاقے کے باشندے ہیں۔
اس کے علاوہ اندور میں ایک پولیس اہلکار بھی کورونا کی زد میں آگیا ہے، ایڈیشنل ایس پی گرو پرساد پراشر نے بتایا کہ متاثر پولیس اہلکار کو نجی اسپتال میں منتقل کیا گیا ہے اور ڈاکٹروں نے پولیس اہلکار کی اہلیہ اور بیٹی کو اسپتال کے الگ وارڈ میں رکھا ہے۔
جس پولیس تھانہ میں متاثر پولیس اہلکار تعینات تھا اسے سینیٹائز کرا دیا گیا ہے، اور کورونا وائرس کے پھیلاو کو روکنے کے لیے تدابیر کی جارہی ہیں۔
واضح رہے کہ ریاست مدھیہ پردیش کے اندور میں کورونا کی منتقلی سب سے زیادہ ہے، اور یہاں مجموعی تعداد 63 ہے، ان میں سے تین افراد ہلاک بھی ہو چکے ہیں۔
وہیں جبکہ جبل پور میں کورونا کے اآٹھ معاملے اجین میں چھ، بھوپال میں چار،گوالیار اور شیو پوری میں دو دو معاملوں کی تصدیق ہوئی ہے۔
