یکم نومبر تک ملک میں کورونا وائرس سے روک تھام کے لئے زیادہ سے زیادہ ٹیسٹ کے ذریعے متاثرہ افراد کا پتہ لگانے کی مہم میں کورونا جانچ کی مجموعی تعداد 11 کروڑ کو عبور کر چکی ہے۔
رواں سال 30 جنوری کو ملک میں عالمی وبا کووڈ 19 کا پہلا کیس سامنے آیا تھا اور اس کے بعد حکومت نے ٹیسٹ کا دائرہ بڑھایا اور کورونا کا پتہ لگانے اور وائرس کی روک تھام پر توجہ مرکوز کی۔
مزید پڑھیں؛ دنیا میں کورونا وائرس کے 12 لاکھ سے زیادہ مریض ہلاک
انڈین کونسل آف میڈیکل ریسرچ (آئی سی ایم آر) کی جانب سے پیر کو جاری کردہ اعداد و شمار میں بتایا گیا ہے کہ یکم نومبر تک کورونا ٹسٹ کی مجموعی تعداد 11 کروڑ 7 لاکھ 43 ہزار 103 ہوگئی ہے۔
یکم نومبر کو آٹھ لاکھ 55 ہزار 800 جانچ کی گئی۔
کورونا وائرس کے پھیلاؤ کو روکنے کے لئے ملک میں 24 ستمبر کو ایک دن میں 14 لاکھ 92 ہزار 409 نمونوں کی جانچ کی گئی تھی۔
