ریاست راجستھان کے وزیراعلیٰ اشوک گہلوت نے کورونا وائرس کے مریضوں کو راحت دینے کا فیصلہ کیا ہے۔
وزیراعلیٰ نے ویڈیو کانفرنسنگ کے ذریعہ میٹنگ کے بعد یہ فیصلہ لیا، جس میں ڈاکٹر رگھو شرما، ڈی بی گپتا، ،ڈی جی پی بھوپیندر سنگھ، نرنجن آریہ اور روہت کمار سنگھ جیسے اہم افراد نے شرکت کی۔
اب ریاست میں کورونا وائرس کی جانچ 2200 روپئے میں پرائویٹ لیب اور ہسپتال میں کی جائے گی اس کے علاوہ ہسپتال میں عام بستر کی قیمت 2000 روپیہ یومیہ ہوگی اور وینٹی لیٹر والے آئی سی یو بستر کی قیمت 4000 تک لی جاسکتی ہے۔
وہیں 21 جون سے کورونا وائرس سے بیداری مہم ریاست میں شروع کی جا رہی ہے۔اس کے لیے ورچوئل کانفرنس کا انعقاد کیا جائے گا، جس میں ریاستی سطح پر ایک لاکھ افراد حصہ لیں گے۔
ریاستی حکومت اس بات کی پوری کوشش کر رہی ہے کہ ریاست میں کورونا وائرس سے متاثرین کا علاج کم قیمت پر ہوسکے اور یہ بیماری زیادہ نہ پھیلنے پائے۔
