کانگریس جنرل سکریٹری کے سی وینو گوپال نے ایک بیان میں کہا کہ سونیا گاندھی نے راجستھان، چھتیس گڑھ، مدھیہ پردیش، پنجاب اور پڈوچیری کے لیے کمیٹیاں تشکیل دی ہیں۔
پارٹی نے راجستھان کے لیے سینیئر رہنما تامر دھوج ساہو کی صدارت میں پانچ رکنی کمیٹی بنائی ہے جس میں وزیراعلی اشوک گہلوت اور نائب وزیراعلی سچن پائلٹ شامل ہیں۔
مہاراشٹر کے سابق وزیراعلی پرتھوی راج چوہان کو مدھیہ پردیش کی چار رکنی کمیٹی کا صدر بنایا گیا ہے اور اس کمیٹی میں وزیراعلی کمل ناتھ اور دیپک بویریا شامل ہیں۔
کانگریس جنرل سکریٹری نے کہا کہ 'سابق وزیر مالیات پی چدمبرم کی صدارت میں پنجاب کے لیے پانچ رکنی کمیٹی تشکیل دی گئی ہے، اس کمیٹی میں ہریانہ کانگریس کی صدر کماری شیلجا، وزیراعلی کیپٹن امریندر سنگھ، ریاستی صدر سنیل جاکھڑ اور پارٹی کی ریاستی انچارج آشا کماری شامل ہیں۔
کانگریس کی حکومت والی ریاست چھتیس گڑھ کے لیے سینیئر رہنما جے رام رمیش کی صدارت میں پانچ رکنی کمیٹی بنائی گئی ہے، اس میں پارٹی رہنما رندیپ سنگھ سرجے والا، ریاست کے وزیراعلی بھوپیش بگھیل، ریاستی انچارج پی ایل پونیا اور ریاست صدر موہن مرکم شامل ہیں۔
پڈوچیری کے لیے سابق مرکزی وزیر ویرپا موئلی کی صدارت میں ریاستی صدر کے راما چیاوم، ریاستی انچارج مکل واسنک اور وزیراعلی نارائن سامی شامل ہیں۔
